پۆلیسی ئەندەنوسیا چوارشەممە رایگەیاند خۆكوژێك لەنزیك وێستگەیەكی پاس لەجاكارتای پایتەختی ئەو وڵاتە خۆی تەقاندووەتەوە،و بەهۆیەوە ئەفسەرێكی پۆلیس و خۆكوژەكە كوژراون.
بەپێی هەواڵ دەریمئەهلی بەت.ع.ابنا: پۆلیس لە بەیاننامەیەك دا رایگەیاند، دوای ئەو تەقینەوە خۆكوژییە، دوو تەقینەوەی ترو یەك لەدوای یەك لە ناوچەی (كامبونگ میلایۆ ) رویانداوە .
پۆلیسی ئەندەنوسیا ئاماژەی بەوەشكردووە لە تەقینەوە خۆكوژییەكەدا ، جگە لە خۆكوژەكە ئەفسەرێكی پۆلیس كوژراوەو ژمارەیەكی تریش برینداربوون و گواستراونەتەوە بۆ نەخۆشخانە.
بەرپرسێكی تەندروستی بە تەلەفزیۆنی میترۆی ئەندەنوسیای راگەیاند دوو پۆلیس و مەدەنییەك چارەسەریان بۆ دەكرێت ،و هەرسێكیان تەندروستیان جێگیرە، لەلایەكی ترەوە سەرچاوەیەكی دیكە رایگەیاند لەتەقینەوەكاندا 5 كەس برینداربوون .
ساڵی رابردوو زنجیرەیەك هێرش لەناوەندی جاكارتای پایتەخت روویاندا و بەهۆیانەوە 8 كەس كوژران، دواتر داعش بەرپرسیارێتی خۆی لێیان راگەیاند.
دەسەڵاتدارانی ئەندەنوسیا كە گەورەترین وڵاتی موسڵمانە لەجیهاندا مەترسی هەڵكشانی ئاستی توندوتیژیان لەو وڵاتەدا هەیە، كە بەووتەی خۆیان بەشێكیان بەهۆی هاندان و كاریگەری دروشمەكانی داعشەوە دەبن .
